Jokin Altuna

Buruz buruko final handiaren atarian, Jokin Altunaren eta Unai Lasoren botileroekin hitz egin dugu, Gorka Altunarekin eta Jon Mariezkurrenarekin, hain justu ere.

Julian Retegi pilotari ohiak EITB Mediarekin hitz egin u Buruz Buruko Txapelketako finalaz. Ez du faborito argirik ikusten. Jokin Altunaren eta Unai Lasoren jokoa aztertu du, eta berak jokatzen zuenetik gaur egunera arte pilotaren jokoak izan duen bilakaeraz ere mintzatu da.

ETB1ek eta eitb.eus-ek, ostiralean, maiatzaren 31n, "ETB Kantxa Solasean" saioa emango dute 22:15etik aurrera.  Xabier Euzkitzek eta Elena Azpeitiak aurkeztuko dute saioa eta Buruz Buruko finala izango dute aztergai. Idoate eta Barriola ere izango dira. Altuna III.ak eta Lasok parte hartuko dute.

Igande honetan Unai semeak Jokin Altunaren kontra jokatuko duen finalaren atarian, Txema Lasok elkarrizketa eskaini du. Unai nola hasi zen kontatu du, baita hark nola jarraitu duen ere.

Igandeko Buruz Buruko materiala aukeratu dute asteazken honetan Lasok eta Altunak. Ondoren, bi finalistek adierazpenak egin dituzte prentsaurrekoan.

Igandean Lasoren aurka jokatuko duen finalari buruz hitz egin du Jokin Altunak. Bere jokoan jarri nahi duela arreta azpimarratu du amezketarrak.

Nafarrak Buruz Buruko finala jokatu du igandean, bere bigarrena, Jokin Altunaren aurka. Orain arte, bost partida irabazi eta aurkari guztiak 12tik behera utzi ditu, tartean Altuna bera, eta horrek konfiantza ematen dio.

Urtero legez, banakako txapelketako finalaren atarian, buruz buruko txapeldunen bazkaria egin dute Sondikan. Hamaika pilotari izan dira, tartean Jokin Altuna eta Unai Laso aurtengo finalistak, eta haietako batzuei txapela nork jantziko duen galdetu diegu.  

22-10 irabazi zion amezketarrak Artolari asteburuko finalaurrekoan. Hala, Buruz Buruko final handia jokatuko du datorren ekainaren 2an, Bilbon, Lasoren kontra.

Jokin Altunak 22-10 menderatu du Iñaki Artola Buruz Buruko Txapelketako bigarren finalerdian. Ondorioz, Amezketakoa Unai Lasoren aurka ariko da txapelaren bila ekainaren 2ko final handian.

Jokin Altuna eta Iñaki Artola aurrez aurre izango dira Buruz Buruko txapelketaren finalaurrekoan. Donostiako Atano III. frontoian egindako material aukeraketarekin bi pilotariak gustura geratu dira. Finalerako txartela jokoan egonda, ez da argi geratu nor den faboritoa.

2024. urteko Bizkaia Torneoa aurkeztu da, formatu aldaketarekin. Partidak ez dira 22 puntura jokatuko, 5 setera baizik. Bakoitza 6 tantotara lehiatuko da, eta berdinketaren kasuan, bosgarren seta, 3 tantora izango da. 24 pilotarik parte hartuko dute taldetan banatuta, 6 multzo desberdinetan.

Altunak Dario irabazi zuen (22-19). Dariok erakustaldi izugarria egin zuen eta Altunari zailtasunak jarri zizkion Buruz buruko final erdietako ligaxkako partida irabazteko.

Amezketako pilotariak Iñaki Artola izango du aurkari igandean Atano III.a pilotalekuan jokatuko den finalerdian.

Igandean, Astelena frontoian, Dariok eta Altunak partida erabakigarria jokatuko dute finalerdietarako txartela eskuratzeko. Galtzen duena kanpoan geratuko da. Materiala ordea, ez da aitzakia izango.

Amezketakoa bete-betean sartu da txapelketan, Jose Javier Zabaletari errepasoa emanda (6-22). Darioren aurka jokatuko du ligaxkako azken jardunaldian. Unai Laso, aldiz, finalerdietan da jada, Altunaren garaipenari esker.

Amezketako aztia jaun eta jabe izan da Eibarko Astelena pilotalekuan jokatutako partidan. Zabaleta 3 eta 0 aurreratu da, baina Altunak partida hautsi du 0 eta 13ko partzialari esker. Etxarrengo atzelaria finalerdietan sartzeko aukerarik gabe geratu da.

Jokin Altuna eta Jose Javier Zabaleta izango dira aurrez aurre Eibarko Astelena pilotlekuan. Finalerdietarako txartela lortzeko partida erabakigarria izango da, Zabaletak Darioren aurka galdu baitzuen (22-17), eta Altunak Lasoren aurka (7-22).

Aldakan izandako ebakuntzaren osteko urte gogorraren ostean, Unai Lasok maila bikaina erakutsi zuen igandean, Altuna III.a zazpi tantutan utzi eta gero.

Nafarrak erakustaldia eman du Bilbon, Bizkaia pilotalekuan. Laso Altuna baino askoz gehiago izan da jokoaren arlo guztietan, eta lehen puntua eskuratu du.

ZUK enpresak jantziko ditu hemendik aurrera Aspeko, zein Baikoko pilotariak. Ibarran egin den aurkezpen ekitaldian Altuna, Laso, Zabaleta eta Jaka izan dira, besteak beste. Bi enpresen webgunetan eskuragarri daude kamiseta berriak.

Altunak eta Lasok Bizkaia pilotalekuan jokatuko dute final-laurdenetako ligaxkako lehen partida igandean, eta, Elordi eta Artola Azkoitian neurtuko dira ostiralean, ligaxkako bigarren jardunaldiko norgehiagokan.

Nafarrarekin batera, Altuna III.a, Elordi, Ezkurdia, Artola, Peña II.a, Zabala eta Dario lehiatuko dira, ostiralean Gasteizen hasiko den final-laurdenetako ligaxkan.

Jokin Altuna eta Julen Martija dira 2024. urteko Binakako Txapelketako azpitxapeldunak. Partida epiko batean, Etxeberria eta Zabaleta gailendu zaizkie. Prentsaurrekoan, bi pilotariak "amaierara arte borrokatu izanaz harro" daudela adierazi dute, nahiz eta garaikurra ez irabazi.

Jokin Altunari eta Julen Martijari gailendu zaizkie Iruñeko Nafarroa Arena pilotalekuan jokatutako finalean (20-22). Partida gogorra eta oso lehiatua izan da. 

Jose Javier Zabaletak eta Peio Etxeberriak txapela jantzi dute 2024ko Binakakoa irabazita, eta Jokin Altuna eta Julen Martija, berriz, txapeldunorde geratu dira, bigarren postua lortuta.

Jose Javier Zabaleta eta Peio Etxeberria dira Binakako txapeldunak, Jokin Altuna eta Julen Martija mendean hartuta partida oso lehiatu batean (20-22). Zabaletaren bosgarren txapela da Binakakoan, eta Zenotzeko aurrelariaren lehenengoa profesional moduan.

Etxeberria eta Zabaleta nagusitu dira Binakako Txapelketako finalean, Altuna eta Martija 20-22 menderatuta. Bideoan, partidako azken tantoa eta ondorengo ospakizuna.

Antton Maiz pilotari ohiak EITB Mediarekin hitz egin du Binakako Txapelketari eta finalari buruz. Binakako bost txapel ditu, eta Zabaletak irabaziz gero, berdindu egingo luke Maizen marka. Horren ustez, Zabaletak berak baino txapel gehiago irabaziko ditu, baina finala, Altunak eta Martijak.

Jokin Altunak Binakako Txapelketako finala jokatuko du martxoaren 31n, Julen Martijarekin bikotea osatuta, Etxeberriaren eta Zabaletaren aurka. Amezketakoak bi final jokatu ditu Nafarroa Arenan, eta biak galdu ditu; hala ere, horrek ez du Altuna III.a kikiltzen.

Lau pilotariak gustura gelditu dira aukeratutako pilotak ikusita. Gerora, prentsaurrekoa eman dute, eta, jakina, igandeko final handia izan dute aztergai.