Gizon bat atxilotu dute Bilbon, emakume bati sexu abusuak egiteagatik

Ertzaintzak 33 urteko gizonezkoa atxilotu zuen atzo, igandea, Bilbon, mehatxua egiteagatik, bere etxeko kidea atxikitzeagatik eta emakume bati sexu abusuak egiteagatik.

Herrizaingo Sailak jakitera eman duenez, Uribarriko taberna bateko bezeroak arma zuri batekin mehatxatu zituen gizonezkoak. Ondoren, bere etxean giltzapean sartu zen eta berekin bizi zen gizona ez zion hortik ateratzen utzi. Azkenean, agenteak etxebizitzan sartu eta tamaina handiko ganibeta zuen gizonezkoa atxilotu zuten.

Ondoren, zonaldeko beste taberna batean neska bati sexu zirriak egin zizkiola jakin zuen Ertzaintzak. Hori dela eta, sexu abusuaren delitua ere egotzi diote.