Gizartea
Hezkuntza
EAEko 118 ikastetxetan abian jarriko dute hezkuntza hirueleduna
Erredakzioa
Aurten 40 izan dira marko hirueledunean parte hartu duten ikastetxeak eta datorren kurtsorako beste 78 izango dira.
Datorren ikasturtean EAEko 118 ikastetxetan abian jarriko dute hezkuntza hirueleduna. Hezkuntza Sailaren egitasmoak nabarmen zabalduko du bere esparrua, eta Isabel Celaa sinistuta da eredu horrek atzerabueltarik ez duela.
Ildo horretan, Isabel Celaák, Hezkuntza, Unibertsitate eta Ikerketa sailburuak ikastetxeek proiektu hirueledunean izan duten harrera “itzela” azpimarratu du gaur prentsaurrekoan. Zentro gehienek ingelera hartu dute atzerriko hizkuntza bezala, hiruk frantseza eta ikastetxe bakar batek alemaniera aukeratu du.
Aurten 40 ikastetxe ari dira. Datorren ikasturtean denetara 118 izango dira Hezkuntza Sailak, hirueletasun eredu baten bila, abian jarri duen esperimentazio ekimenean.
78 ikastetxe berri horiek oso argazki orekatua dakartela azpimarratu du Isabel Celaa sailburuak: tamainaz, lurraldez, sarez eta euskararen indarraz.
