Bruselak Greziako ekonomia kontrolatuko du

Europako Ekonomia Erkidegoak kontu grekoak zainduko dituela jakitera eman du. Horrela, herrialdeak bere kontu publikoak konponduko dituela eta egonkortasun ekonomikoa berreskuratzen duela bermatuko du, eurogune guztiaren mesederako.

Neurri multzo hori onartu eta gero, Joaquin Almunia komisario espainiarrak "egoerak aginduta horrelako etengabeko kontrol sistema bat lehenengoz ezartzen" dutela baieztatu du.

Era horretan, Greziak, 2010rako Barne Produktu Gordinaren defizita % 3ra jaisteko konpromisoa betetzen duela bermatu nahi du Europako Batasunak.

Almuniak baztertu du Greziak Nazioarteko Diru Funtsaren laguntza behar duela eta "batasun ekonomikoa eta monetarioa arrakastatsua" dela iritzi du.

Europako Ekonomia Erkidegoaren babesak aldizkako ebaluazioen egutegi bat biltzen du. Greziak helburuen azterketak izango ditu martxoaren 16an, maiatzaren 16an eta ordutik aurrera, hiru hilabetero.

Kezka iturri da Grezia urritik. Orduan, hauteskundeetan aukeratutako gobernu sozialistak defizit publikoa 2008ko % 3,7tik %7,7ra igo zuen, eta aurreikuspenen arabera, % 12,7ra gora egingo zuen 2009an.