Desagertutako Bilboko bizilagun baten bila ari da Ertzaintza

Ertzaintzak operazioa abiatu du, asteazkenean desagertu zen 63 urteko gizonezko bat bilatzeko. San Adrian auzoko bizilaguna da.

Familiak jakinarazi duenez, atzo ez zen etxean agertu egun osoan, eta, gaur lanera joan ez dela baieztatu dutenean, Ertzaintza jakinaren gainean jarri dute.

Atzo ikusi zuten azkenengoz, 19:00ak aldera, Pagasarri mendira igotzeko bidean. Hori dela eta, Ertzaintza ingurua miatzen ari da.

Halere, familiako kide batek azaldu duenaren arabera, desagertutakoaren telefonoak seinalea emititu zuen atzo, 20:30 aldera, Begoña auzotik, hain zuzen, Pagasarrin lekuko batek ikusi eta gero. Familia erabiltzen ari den aplikazioak 20 bat minutuz jaso zuen haren telefonoaren seinalea.