Noraino baldintzatuko dituen aztertu nahi izan dugu hiru kazetari nafarrekin. Izan ere, Chivitek berriro hiruko gobernu batenpresidentea izan nahi badu, nahitaez EH Bilduren abstentzioa beharko du eta ikusteko dago Ferrazek onartuko ote duen.

Gasteizerako eta Gipuzkoarako giltza izanda PP-k presio politikoa egingo du Guardia eta Bastidako alkatetzak lortzeko. EAJ-k baina ez du ikusten alderdi popularrari ordaina eman beharrik. Gipuzkoan Mikel Lezamak eskatu duen kirol diputatu karguari buruz ez du ezer esan PP-k.

Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.

Eneko Andueza PSE-EEko idazkari nagusia pozik agertu da udaletarako eta aldundietarako EAJrekin sinatutako akordioaren inguruan; izan ere, egonkortasun horrek euskal herritarren bizi kalitatea hobetzea ekarriko duela azpimarratu du.

Politika Berrikuntzarako burukideak Egun on Euskadi saioan azaldu duenez, EAJk ez du baldintzarik negoziatuko PPrekin, eta Maddalen Iriarte izango litzateke, hortaz, Gipuzkoako ahaldun nagusia, "baldin eta gehiengoa osatzen badu; osatzen ez badu, EAJk eskubide osoa du bere hautagaitza aurkezteko".

Europan lehen aldiz, kalamuaren aldeko alderdi batek erakunde batean sartzea lortu du. Murillo el Fruto herrian (Nafarroa) Luz Verde alderdi kannabikoak bi zinegotzi lortu ditu udalean. Euren proiektu politikoa lanpostuak sortzean datza industriarako kalamua landatu eta prozesatuz.

Dena den, argi utzi du EAJk Eider Mendozaren hautagaitza aurkeztuko duela Gipuzkoan, eta PPk erabaki beharko duela horren alde egingo duen edo, abstentzioaren bidez, EH Bilduri lagunduko dion.

Carlos Iturgaitzek berretsi egin du atzo Feijook esandakoa, eta gehitu du Alderdi Popularrak bere botoak erabiliko dituela EH Bilduk udal eta aldundietan gobernatu ez dezan. Baina aldi berean gaineratu du babesten dituzten gobernuetan egotea eskatuko dutela. 

Garaipena lortu arren, EAJk bi ordezkari galdu ditu igandeko hauteskundeetan Arabako Batzar Nagusietarako. Ramiro Gonzalez EAJren ahaldun nagusigaiak esan du igandeko emaitzak "ohartarazpen bat" izan direla eta orain "hausnarketa egin" behar dela.

EAJ eta PSE udaletan eta aldundietan akordio orokor bat berrargitaratzearen alde daude. Akordio horren bidez, elkar babestuko dute, baturak gobernu egonkorrak osatzeko aukera ematen dien lekuetan. Negozio txarra dela esan du EH Bilduk.

Itun zabalak bilatzeari ekingo dio EAJk egonkortasuna lehenesteko, eta EH Bilduk hautesleen nahia errespetatzea eskatzen du. Sozialistek EAJrekin dituzten akordioei eusteko asmoa dute.