Itxi

Herriak eta Hiriak

Bilbo

39 lagun identifikatu dituzte Zorrotzaurren, hutsik dauden eraikinetan

Agentziak | Erredakzioa

Polizia-operazioan identifikatutako hiru lagunek aurrekari polizialak dituzte, mehatxuak eta lapurretak egitea leporatuta. Beste batek bilatzeko eta atxilotzeko nazioarteko agindua zuen.

  • Bilboko Zorrotzaurre auzoa. Artxiboko argazkia: EiTB

    Bilboko Zorrotzaurre auzoa. Artxiboko argazkia: EiTB

Bilboko Zorrotzaurre auzoan hutsik dauden etxebizitzetan gaua pasatzen duten 39 pertsona identifikatu zituzten atzo, igandea, Bilboko Udaltzaingoak eta Ertzaintzak, elkarrekin burututako polizia-operazio batean.

Bilboko Udalak ohar baten bidez jakitera eman duenez, Bilboko Udaltzaineko hamabi kide, sei furgoneta eta Ertzaintzaren txalupa batek parte hartu zuten polizia-operazio horretan. 08:30etik 11:30ak arte iraun zuen, eta ez zen istilurik egon. Orotara, Zorrotzaurre auzoko etxebizitzetan gaua pasatzen duten 39 pertsona identifikatu zituzten.

Bilboko Udalak azaldu duenez, polizia-operazioan identifikatutako hiru lagunek aurrekari polizialak dituzte, mehatxuak eta lapurretak egitea leporatuta.

Halaber, beste pertsona batek bilatzeko eta atxilotzeko nazioarteko agindua zuen bere gain.