Herriak eta Hiriak
Ezbeharra
Frantziako gizon baten gorpua aurkitu dute Hondarribian, uretan
Agentziak | Erredakzioa
Antza denez, herriko auzokideek Bidasoa Pasealeku parean gorpu baten itxura zuen fardela ikusi dute uretan, eta SOS Deiaki deitu diote.
Gizon baten gorpua aurkitu dute Hondarribiko uretan. Gizona frantsesa zen eta ez dakite ezer horren desagertzeari buruz, Segurtasun Sailak jakinarazi duenez.
Antza denez, herriko auzokideek Bidasoa Pasealeku parean gorpu baten itxura zuen fardela ikusi dute uretan, eta SOS Deiaki deitu diote, zortzi eta erdiak aldera.
Gurutze Gorriaren salbamendu ontzi batek gorpua erreskatatu du eta Donostiako Medikuntzako Euskal Institutura eraman dute autopsia egiteko.
Hildakoa herritartasun frantziarra zuela jakin izan dute gerora.
