Hartu parte 'Conquistador'-en internet bidezko casting-ean!

'El Conquistador del Fin del Mundo' lehiaketako bederatzigarren edizioa amaitu berri da, eta dagoeneko hurrengoa prestatzen hasita dago Hostoil etxeko lantaldea. Hasteko, lehiakide berrien bila hasi dira: ohiko castingak uztailaren 1etik 8ra bitartean egingo dituzte eta internet bidezko casting-a martxan dago da eitb.com atarian.

Estatuko reality ikusiena den honetako lehiakide izan nahi duenak bere burua aurkezten duen bideo bat bidali dezake Conquisen webgunean jarritako casting-ean. Bideo horretan euren burua aurkezteaz gainera, Conquisen zergatik parte hartu nahi duten ere kontatu beharko dute. Eta noski, baita bere iritzia eman saioari buruz, probei buruz, kapitanei buruz, saiotik gogorrena zer iruditzen zaien azalduz, eta abar. Hau da, euren burua Conquiseko lehiakide gisa saltzea da kontua.

Nakor Marquezek, zazpigarren denboraldiko irabazleak, adibidez, horrelako bideo bat bidali zuen bere burua aurkezteko.

Urtero bezala, 10. edizioa izango dena 2013ko udazkenean grabatuko da.