Itxi

telebista

Igandean

San Miguel Ligako azkeneko jardunaldia, zuzenean, ETB1en

A.H.

EITB

Horrez gain, Lezoko pilota jaialdia eskainiko du Euskal Telebistak zuzenean.

0:21

Igande honetan, Portugaleten jokatuko den El Corte Ingles Bandera eskainiko du ETB1ek zuzenean, San Miguel Ligako azkeneko jardunaldi erabakigarria. Euskal Telebistak zuzenean bat egingo du kirol hitzorduarekin 12:00etatik aurrera, eta Mikel Olazabalek, Ibon Gaztañazpik eta Amane Ibañezek egingo dute emanaldiaren gaineko kontakizuna.

Bestalde, arratsaldeko 19:30etik aurrera, arraun ligako txapeldunari egingo dioten harrera eskainiko du ETBK kateak.

Pilota eta Artzain Txakurrak

Arratsaldeko 15:00etan, Atxondon bezperan izandako Euskadiko Artzain Txakurren Txapelketa eskainiko du ETB1ek, herri kirolari eskaintzen dion asteroko tartean.

Ondoren, Lezoko pilotalekura joko dute, bertako jaialdia zuzenean eskaintzeko. Hasteko, Aritz Lasa-Larrinaga eta Jaka-Merino I bikoteen arteko norgehiagoka eskainiko du saioak. Ondoren, partidan nagusian, Titin III-Zubieta eta Jaunarena-Merino II izango dira aurrez aurre. Xabier Euzkitze, Joxan Tolosa eta Elena Azpeitiak egingo dute emanaldiaren gaineko kontakizuna.