Lekeitioko pilota jaialdia, gaur, ETB1en eta eitb.eus-en

Ostiral honetan, ETB1ek eta eitb.eus webguneak Lekeitiko pilota jaialdia eskainiko dute 22:00etatik aurrera.

Lehenengo partida Arretxe II-Ladis Galarza eta Altuna III-Tolosa bikoteek jokatuko dute, eta ondoren, partida nagusian, Martinez de Irujo-Zabaleta eta Urrutikoetxea-Albisu izango dira aurrez aurre. Olaetxea-Larunbe eta Apezetxea-Larrinagaren arteko neurketarekin amaituko da jaialdia.

Xabier Euzkitzek, Joxan Tolosak eta Ibon Gaztañazpik egingo dute emanaldiaren gaineko kontakizuna.