telebista
Zuzenean
Athletic B-Real Madril Gaztela eta Bermeoko Ikurrina, gaur
A.A.
EiTB
Hilaren 13an Aian jokatutako Euskadiko aizkolari txapelketako kanporaketa ere eskainiko da.
Bideoak (1)
Zuzeneko bi kirol emanaldi egingo dituzte gaur ETB1ek eta eitb.eus-ek. 15:45ean izango da lehen hitzordua, Bigarren B Mailako Athletic B-Real Madril Gaztela futbol partidarekin. Xabier Anduezak, Juanan Larrañagak eta Iban Bengoetxeak egingo dute kontakizuna.
San Miguel Ligako estropada izango da ikusgai 18:00etan. Bermeoko Ikurrinaren berri emango dute Mikel Olazabalek, Ibon Gaztañazpik eta Sara Gandarak.
Arraun emankizuna amaitutakoan, herri kirolen tartea zabalduko dute, hilaren 13an Aian jokatutako Euskadiko aizkolari txapelketako kanporaketa eskaintzeko. Ibon Gaztañazpik eta Joxe Etxebestek emango dizkigute nondik norakoak.
Bestalde, 'Gol Festa' saioaren bi edizio egongo dira larunbatean, Jon Elortzak gidatuta: 20:55ean, Athletic-Granada partidaren laburpena emateko, eta 23:50ean, gainerako jardunaldiaren errepasoa egiteko.
