Emakumeak lehian, 'Conquistour' saioan, gaur, Hernanin

'Conquistour' saioko laugarren erronka Hernanin egingo da gaur. 'El Conquistador del Fin del Mundo' saioko irabazlez osatutako taldeak porrota jaso zuen Baztanen, iragan asteko erronkan, eta ez dute berriro galdu nahi.

Julen Madina izango da 'Conquistour' saioko irabazlez osatutako taldeko kapitaina, eta aurrean emakumez soilik osatutako taldea izango dute. Amaia Puertas 'El Conquis'eko lehiakide ohia izango da Hernaniko taldeko kapitaina. Vero Gonzalez eta Karen Odriozola lehiakide ohiak ere Hernaniko taldean egongo dira, eta Sonia Rodriguezek, Eva Condek eta Irati Agirrek osatuko dute emakumeen taldea.

ETB2k gaur gauean eskainiko du 'Conquistour' saioaren laugarren atala, 22:15ean.