telebista
Gaur
Galatasaray-Laboral Kutxa, zuzenean, ETB1en eta eitb.eus-en
A.H.
EITB
Horrez gain, Lizartzako pilota jaialdia, eta Getafe eta Eibar taldeen arteko Kopako partidaren laburpena eskainiko dira.
Informazio gehiago (1)
Gaur, Galatasaray-Laboral Kutxa taldeen arteko norgehiagoka eskainiko dute zuzenean ETB1ek eta eitb.eus-ek, 20:15etik aurrera. Euroligako zortzigarren jardunaldiko partida honen kontakizuna Asier Arangurenek eta Josean Aldalurrek egingo dute.
Saskibaloi partidaren ondoren, Lizartzan jokatuko den pilota jaialdiarekin bat egingo du Euskal Telebistak 22:00etatik aurrera. Jardunaldiko lehenengo partidak Tainta-Apraiz eta Jaka-Larunbe jarriko ditu aurrez aurre, eta, ondoren, Arretxe II-Begino eta Olaetxea-Aretxabaleta bikoteek jokatuko dute partida nagusia. Xabier Euzkitzek, Joxan Tolosak eta Ibon Gaztañazpik egingo dute emanaldiaren gaineko kontakizuna.
Horrez gain, bi pilota partiden arteko atsedenaldian, Getafek eta Eibarrek jokatuko duten Errege Kopako partidaren laburpena izango da ikusgai, Joseba Urkiolaren eskutik, 23:00ak aldera.
