telebista
Gaur
Irujo-Barriola / Bengoetxea VI.a - Aretxabaleta, gaur, zuzenean
A.A.
EiTB
Binakako Txapelketako partida, Eibarko Astelena pilotalekutik, Urteberri egunean ETB1en eta eitb.eus-en.
-
Irujo eta Barriola
Binakako Txapelketako Irujo-Barriola / Bengoetxea VI.a - Aretxabaleta pilota-partida eskainiko dute ETB1ek eta eitb.eus-ek Urteberri egunez. Arratsaldeko bostetan hasiko den pilota emankizunean, beste bi neurketa izango dira ikusgai: Aritz Lasa-Tolosa / Jaunarera-Merino I.a eta Gorka-Urruzola / Jaka-Larrinaga. Xabier Euzkitze eta Joxan Tolosa izango ditugu berriemaile Eibarko Astelenatik, zuzenean.
Pilotaren atarian, herri kirolen tartea zabalduko dute, aizkolarien Eusko Label sariko binakako lehiaketaren barruan, bezperan Asteasun jokatutako saioa eskaintzeko. Ibon Gaztañazpik egingo du kontakizuna Joxe Etxebeste lagun duela.
Azkenik, eguerdiko 12etan, ETB1en, Zaldibarko Olazar torneoko finalaren ingurukoak ekarriko dizkigu Iñigo Aiestaranek Enrique Agirrebeitiarekin batera.
