telebista
Gaur
Saskibaloia eta pilota, zuzenean, ETB1en eta eitb.eus-en
A.A.
EiTB
Euroligako Laboral Kutxa-Olinpiakos eta Binakako Txapelketako Urrutikoetxea-Beroiz eta Ezkurdia-Zabaleta, zuzen-zuzenean, ikusgai.
Saskibaloi eta pilota emankizunak eskainiko ditu ETB1ek gaur gauean, eta eitb.eus-en ere izango dira ikusgai.
Laboral Kutxak Olinpiakos taldea hartuko du Buesa Arenan, 21:00etatik aurrera. Euroligako Top 16ko 11. jardunaldiari dagokion norgehiagokaren kontakizuna Asier Arangurenek, Josean Aldalurrek eta Juan de la Vegak egingo dute.
Jarraian, Aizarnazabalgo pilota jaialdia izango da ikusgai. Apezetxea-Cecilio eta Aritz Lasa-Irusta bikoteen arteko partidarekin hasiko da, eta, ondoren, Eskuz Binakako Txapelketako neurketa jokatuko dute Urrutikoetxea-Beroiz eta Ezkurdia-Zabaleta bikoteek. Xabier Euzkitze, Joxan Tolosa eta Ibon Gaztañazpi izango dira horren berri emateko arduradunak.
