telebista
Gaur
OlaizolaII - BengoetxeaVI eta Urrutikoetxea-Irujo, zuzenean
A.A.
EiTB
Larunbat honetan, Lau t'erdiko Txapelketako final laurdenetako ligaxkako partidak ETB1en eta eitb.eus-en izango dira ikusgai.
-
Urrutikoetxea eta Olaizola
Lau t'erdiko Txapelketako final laurdenetako ligaxkako bi norgehiagoka jokatuko dira gaur: Olaizola II-Bengoetxea Iruñean eta Urrutikoetxea-Irujo Bilbon. Biak ala biak zuzenean jarraitu ahal izango dira ETB1en eta eitb.eus-en 18:00etatik aurrera. Lehendabizikoaren kontakizuna Iñigo Aiestaranek, Joxan Tolosak eta Elena Azpeitiak egingo dute. Bigarrenaren, arduradunak, berriz, Joxetxo Lizartza, Jokin Errasti eta Iban Bengoetxea izango dira.
Pilotaren aurretik, 'Zilarrezko Futbola' tartea zabalduko du ETB1ek, Bigarren B Mailako Barakaldo-Leioa futbol partida eskaintzeko. Xabier Andueza, Juanan Larrañaga eta Erik Hernandez zuzenean arituko dira berri ematen Barakaldoko Lasesarre futbol zelaitik.
Azkenik, eguerdiko 12etan, ETB4n, zesta puntako San Fausto Torneoko ¾ posturako neurketa izango da ikusgai: Jagoba-Manex / Olha-I. Erkiaga. Iñigo Aiestaran izango da esataria eta Gotzon Enbil aditua.
