Akzioz beteriko 'Max Payne' filma, gaur gauean, 'LND'n

Gaur gauean, 'La Noche de...' saioak Max Payne akzioz beteriko filma eskainiko du, thrillera eta zine beltza nahasten dituen bideo-joko ezagun baten egokitzapena. Mark Wahlberg aktorea da protagonista. New Yorkeko polizia ohi baten azalean, bere emazte eta seme txikiaren hiltzaileen bila abiatuko da. Felix Linaresek pelikula filmatzeko lanen inguruko datu guztiak azalduko ditu emanaldiaren aurretik.

Horrez gain, Cate Blanchett aktorearen gaineko erreportaje interesgarria eskainiko du 'La Noche de...' saioak. Aktore onenaren Oscar saria jasotzeko izendatu dute aktore australiarra, baina, horrez gainera, bere sexualitatearen inguruko hainbat gauza esan dira azkenaldian. La cuadrilla de los Oscar atalak aktorearen ibilbidea errepasatuko du, eta informazio horiek guztiak egiazkoak diren argituko du.

Beti legez, 'LND' saioko ikus-entzuleek Oscar sarien Kiniela egiteko aukera izango dute, saioaren webgunearen bidez. Parte-hartzaile guztien artean, zozketa bat egingo dugu. Saria? Bi lagunentzako afaria, Bilboko Etxanobe jatetxean.

Saioak, gainera, Jodie Fosterrek haurtzaroan bizi izan zuen hilketa saiakera gogoratuko du Los archivos secretos de LND atalean, eta, amaitzeko, Ameriketako Estatu Batuetako presidenteen film gustukoenen zerrenda egingo du.

'La Noche de... Max Payne' gaur izango da ikusgai, 22:30etik aurrera, ETB2n.