Pisu astuneko borrokaldi bikaina, gaur, 'Boxeo Izarrak' saioan

Gaur gauean, britainiarren arteko norgehiagoka ikusgarria eskainiko du 'Boxeo Izarrak' saioak. Anthony Joshua eta Dillian Whyte izango dira protagonistak. Joshuak urrezko domina eskuratu zuen Londresko Olinpiar Jokoetan, eta zenbaki hauek lortu ditu profesional mailan: 14 neurketa egin ditu, eta denak irabazi ditu, K.O. bidez. Whytek ere zenbaki onak ditu: 16 norgehiagoka egin ditu eta ez du bat bera ere galdu.

Saioaren bigarren atalean, emakumeen arteko Munduko Txapelketa bat izango da ikusgai: Klara Svensson suediarra eta Marie Rieder alemaniarra, aurrez aurre.

'Boxeo Izarrak' saioa gauean izango da ikusgai, 00:10etik aurrera, ETB1en.