telebista
21:50ean
Nafarroako Trikiti Jaialdia, gaur gauean, ETB1en
A.A. | EiTB
Urtarrilaren 16an Lesakan grabatutako emanaldia izango da ikusgai.
Lesakan ospatutako Nafarroako Trikiti Jaialdia eskainiko du ETB1ek, gaur, 21:50ean, 'Oholtzan' saioaren barruan. Nafarroako Trikitilari Elkarteak eta Lesakako taldeak antolatuta, ekitaldia iragan urtarrilaren 16an egin zen Lesakako Harriondoa kultur etxeko auditorioan.
Zazpi bikotek hartu zuten parte jaialdian: Iñaki Mendinueta eta Irune Agirre; Kristina eta Amaia; Epelde eta Lutxurdio; Agus Barandiaran (Korrontzi) eta Xabier Berasaluze (Leturia); Edurne Iturbe eta Oihana Irastorza; Jon Ostolaza eta Arno; eta Gari eta Iñaki.
Ekitaldian, Lesakan soinua eta panderoa jotzen erakusten aritu diren irakasleak omendu zituzten: Marisol Otxoteko, Laura Apeztegia eta Jone eta Estitxu Elgorriaga ahizpak.
