telebista
Kirol eskaintza
Futbola eta pilota, eguerditik aurrera, ETB1en eta eitb.eus-en
A.A. | EiTB
Emakumeen Ligako Bartzelona-Athletic eta Binakako Txapelketako Olaizola II-Urrutikoetxea / Ezkurdia-Barriola partidak eskainiko dira.
Emakumeen Ligako Bartzelona-Athletic partida eta Binakako Txapelketako Olaizola II-Urrutikoetxea / Ezkurdia-Barriola norgehiagoka izango dira igandeko kirol hitzordu nagusiak ETB1en eta eitb.eus-en.
Futbola 'Oreka' saioaren barruan izango da ikusgai, 12:00etatik aurrera. Naxari Altuna eta Larraitz Lukas izango ditugu berriemaile.
Pilota emankizuna Eibarko Astelenatik egingo da, 17:00etan hasita. Txapelketako partidaz gain, beste bi jokatuko dira: Gorka-Cecilio / Jaunarena-Martija eta Mendizabal-Erostarbe / Agirre-Larunbe. Xabier Euzkitze, Joxan Tolosa eta Elena Azpeitia izango dira esatariak.
Herri kirolekin osatuko da igande honetako kirol eskaintza. Goizeko 11:00etan, Volendamen jokatu den Goma gaineko Munduko Sokatira Txapelketako selekzioen arteko lehiaren berri emango du Juanan Legorburuk. Arratsaldeko 16:00etan, aizkolarien Binakako Eusko Label Sariko finala izango da ikusgai, goizean Azpeitian jokatutakoa. Ibon Gaztañazpik egingo du kontakizuna Joxe Etxebeste lagun duela.
g> lagun duela.