'Ongi etorri, Alaves' saio berezia, gaur, ETB2n eta eitb.eus-en

Alaves futbol taldeak Lehen Mailara igo izana ospatuko du gaur zaleekin eta herritarrekin, Gasteizko Andre Maria Zuriaren plazan. Arratsaldeko zortzietan hasiko den ekitaldia zuzenean jarraitzeko aukera izango da ETB2n eta eitb.eus-en, Txemi Galarragaren eta Agustin Benitoren kontakizunarekin.

EiTB taldeko irratiek ere bat egingo dute Alaves taldearen ospakizun ekitaldiarekin. Radio Vitoriak saio berezia egingo du Andre Maria Zuriaren plazatik 19:30etik aurrera, bertan gertatzen den guztiaren zuzeneko kontakizuna eginez eta protagonistak elkarrizketatuz. Halaber, Euskadi Irratiak eta Radio Euskadik arretaz jarraituko dute ekitaldia zuzeneko konexioen bitartez.