telebista
22:30etan
Euskaldunen boto intentzioaz, osteguneko 'Minuto a Minuto'n
A.H. | EITB
Jon Urresti (Gizaker) EiTB Focus inkestaren arduradunak euskaldunen boto intentzioaren inguruan burutu den inkesta berriaren datuak aztertuko ditu.
Ostegunean argitaratuko diren EiTB Focus inkestaren datu berriek ekainak 26ko hauteskundeetan euskaldunen boto intentzioa azalduko dute, eta ostegun gauean, Jon Urresti Gizaker enpresako soziologo eta inkestaren arduradunak datuak aztertuko ditu 'Minuto a Minuto' saioan. Berarekin batera beste lau gonbidatu egongo dira: Luis R. Aizpeolea (El País), Lourdes Pérez (Diario Vasco), Iñaki González (Deia) eta Iñaki Iriondo (Gara) kazetariak.
Horrez gain, 'Minuto a Minuto' kalera irtengo da datozen hauteskundeen emaitzen inguruan galdetzeko. Herritarrek modu oso dibertigarri eta originalean erantzun beharko diete hurrengo galderei: nor izango da Espainiako gobernuko presidentea ekainak 26ko hauteskundeen ondoren? Nola banatuko dira Euskadiko 18 diputatuak?
Saioak, gainera, hauteskunde kanpainaren lehenengo aste honen momenturik onenak aztertuko ditu, eta twitterren ikusi diren 'tuit' dibertigarrienak gogoratuko dituzte.
Aintzane Bolinagak zuzendu eta aurkeztutako 'Minuto a Minuto' saioa ostegunean izango da ikusgai, 22:30etatik aurrera, ETB2n.
ETB2n.