telebista
22:15ean
'Diario de un ejecutivo agresivo' filma, gaur gauean, ETB2n
'Diario de un ejecutivo agresivo' filmaren ostean, 'Asesinos' filma izango da ikusgai. Akzioa ardatz duen film honek Sylvester Stallone eta Antonio Banderas ditu protagonista.
Gaur gauean, Euskal Telebistako bigarren kateak, Diario de un ejecutivo agresivo (Man About Town, 2006) filma eskainiko du. Komedia hau Mike Binderrek zuzendu zuen, eta Ben Affleck, Rebecca Romijn-Stamos eta Mike Binder ditu protagonista.
Jack Giamoro (Ben Affleck) arrakastari lotuta dagoela iruditu arren, Jack hutsik sentitzen da bere barnean, dohakabe. Horregatik, eta bere egunerokotasunari beste ukitu bat emateko, Primkin (John Cleese) irakaslearen literatura klaseetara joatea erabakiko du. Orduan, letren zurrunbiloan sartuta, bere sentimendu eta pentsamenduak azalarazteko, eguneroko bat idazten hasiko da, eta bere bizitza auzitan jarriko du.
Era berean, bere emazteak Phil Balow (Adam Goldberg) gidoilariarekin duen harreman sentimentala estalgabetuko du. Albiste gehiagoren berri duen heinean, bere bizitzak okerrera egingo du, eta, horrez gain, kazetari batek (Bai Ling) bere egunerokoa lapurtuko dio; sekretu pertsonalak eta profesionalak gordetzen dituen egunerokoa, alegia. Jack bere bizitza eta egunerokoa berreskuratzen saiatuko da, eta, zoritxar guztien gainetik, asko ikasiko du.
Diario de un ejecutivo agresivo gaur gauean izango da ikusgai, 22:15ean, ETB2n.
Cine 2: Asesinos
Ondoren, Richard Donnerren Asesinos (Assassins, 1995) filma izango da ikusgai. Akziozko pelikula honek Sylvester Stallone, Antonio Banderas eta Julianne Moore ditu protagonista.
