'La Noche de… Atraco en Belfast' gaur gauean, ETB2n eta eitb.eus-en

Gaur gauean, 'La Noche de...' saioak Atraco en Belfast komedia eskainiko du. Terry Georgek zuzendutako filmak Brendan Fraser, Colm Meany, David O’Hara eta Tom Hollander ditu protagonista.

Filmaz eta lantaldeaz hitz egiteaz gain, 'La Noche de..'k La Pareja Ideal atala eskainiko du. Bertan, Antes de ti (Me Before You) filmeko bikote protagonistak, Emilia Clarkek eta Sam Claflinek, bizitza errealean bikote ona egingo ote luketen aztertuko dute.

Halaber, Los sanfermines conquistan Hollywood atalean, Hollywoodeko filmetan sanferminak nola jorratu dituzten aipatuko dute.

Azkenik, Monte o Playa tartean, Italiako Alpeak eta Fiji uharteak alderatuko dituzte.

'La noche de…'  22:30ean izaten da ikusgai, asteartero, ETB2n eta eitb.eus-en.