telebista
Futbola
Euskal futbol taldeen denboraldi-aurrearen azken txanpa, zuzenean
A.A. | EiTB
Athletic, Real, Eibar, Alaves eta Osasunaren partidak eskainiko dituzte ETB1ek eta eitb.eus-ek astean zehar.
Informazio gehiago (1)
Euskal futbol taldeak denboraldi berriaren prestaketaren azken txanpan sartuak dira, eta Euskal Telebistak zuzenean eskainiko ditu astean zehar jokatuko dituzten partidak.
Gaur izango dugu lehen hitzordua: Athleticek Alemaniako Borussia Dortmund taldearen aurka jokatuko duen partida eskainiko da, Suitzako Saint Gallen herritik zuzenean, 18:45ean.
Asteazkenean euskal derbi bat izango dugu: Real Sociedad-Eibar. Bergaran jokatuko da partida hau, aurtengo Kilometroak jaiaren alde. 19:00etatik aurrera izango da ikusgai.
Ostiralean, beste derbi bat, Osasunaren eta Eibarren artekoa, Etxarri-Aranatzen. 19:00etan hasiko da emanaldia.
Larunbatean, 20:30etik aurrera, Valladolid-Alaves norgehiagoka izango da ikusgai.
Azkenik, igandean, Alemaniako Gelserkirchen hiritik, Schalke 04-Athletic partida eskainiko da 17:00etan.
Emanaldi guztiak zuzenean jarraitu ahal izango dira ETB1en eta eitb.eus-en. Larunbateko partidaren kontakizuna Iñaki Mikeok egingo du eta beste guztiena Joseba Urkiolak. Aditu lanak, ohi denez, Juanan Larrañagak egingo ditu.
o ditu.