Giroko 17. etapa, Tirano-Canazei, gaur arratsaldean, zuzenean

Gaur, Italiako Giroaren 17. etaparekin egingo dute bat ETBk eta eitb.eus-ek 13:00etan.

Tirano eta Canazei arteko 219 kilometroko etapa menditsuari egingo diote aurre beste behin txirrindulariek. ETB1en eta eitb.eus-en hasiko da emanaldia, egunero bezala, eta ETB4n izango da ikusgai ETB1ean 'Gaur Egun' albistegia ematen duten bitartean. 15:00etatik aurrera, eta etapa amaitu arte, ETB1en izango da berriro ikusgai.

Fermin Aramendik, Xabier Usabiagak eta Alfontso Arroiok egingo dute gaurkoan ere etaparen kontakizuna.