Irurtzungo pilota jaialdia, gaur gauean, zuzenean, ETB1en eta eitb.eus-en

Gaur gauean, ETB1ek eta eitb.eus-ek bat egingo dute zuzenean Irurtzungo pilota jaialdiarekin, 22:00etan. Hasteko, Elordi-Lasa IV.a eta Etxeberria-Erostarbe bikoteek jokatuko dute atariko partida.

Ondoren, Ezkurdia-Zabaleta eta Irribarria-Merino II.a bikoteen artekoa izango da, Binakako Txapelketako norgehiagoka. Xabier Euzkitzek, Joxan Tolosak eta Xabier Anduezak egingo dute emanaldiaren kontakizuna, zuzenean.