'La Noche De...' saioak '¡Qué dilema!' filma eskainiko du gaur gauean

¡Qué dilema! komedia dibertigarriaz gozatzeko aukera izango dugu gaur Felix Linaresek gidatzen duen 'La Noche De...' saioan, ETB2n, 22:30ean. Ron Howardek zuzendutako film honetako protagonista nagusiak Vince Vaughn, Wynona Ryder, Kevin James eta Channing Tatum dira. Ronny Nick bere lagun minaren emaztea beste gizon batekin dabilela konturatuko da. Emazteak engainatzen duela esan edo ez, horixe izango da film honetan argitu beharreko zalantza.

Ohi denez, programak beste zenbait eduki ere izango ditu. Si lo sé, no vengo atalean, adibidez, Kanaria uharteetan grabatutako film batean Shirley MacLainekin izandako gorabeherak azalduko dizkigu Felix Linaresek.

Línea caliente tartean, zineman biluzik gehien agertu den Hollywoodeko izarra zein den argituko digute.

Amaitzeko, La pareja ideal atalean, Ameriketako Estatu Batuetan estreinatu berri den film bateko aktore protagonistei buruz arituko da Félix Linares.