telebista
Kirolak
Donostiako Maratoia eta Binakako Txapelketako partida, gaur, zuzenean, EiTBn
EiTB
Elezkano II-Rezusta / Irribarria-Zabaleta partida izango dugu ikusgai Bergaratik.
-
Pilotari baten eskuak. Argazkia: EFE
Zuzeneko bi kirol emanaldi izango ditugu gaur ETB1en eta eitb.eus-en. Hasteko, atletismoa: Donostiako Maratoiaren zuzeneko kontakizuna egingo dute Juanan Legorburuk, Xabier Leibarrek eta Anartz Agirrek 11:00etan hasita.
17:00etan, pilota Bergaratik. Binakako Txapelketako Elezkano II-Rezusta / Irribarria-Zabaleta partidarekin batera, beste bi norgehiagoka izango ditugu ikusgai: Retegi-Jaunarena / Etxeberria-Erostarbe eta Dario-Martinez / Ugalde-Irusta. Xabier Euzkitze, Joxean Tolosa eta Elena Azpeitia izango dira esatariak.
Azkenik, 16:00etan, herri kirolen tartean, Arria V / Irazu Urrezko Aizkolarien Kopako norgehiagokaren berri emango digute Ibon Gaztañazpik eta Joxe Etxebestek.
