Anne Etchegoyen eta Oreka Tx 'Tosta', gaur gauean, 'Oholtzan' saioan

Bi kontzertu eskainiko dizkigu 'Oholtzan' saioak gaur gauean ETB1en eta eitb.eus-en. 21:00etan, Anne Etchegoyen Zugarramurdin kontzertua izango da ikusgai. Bertan, diskoan dauden 'Bake mina' eta 'Loretxoa' abestiekin batera, euskal kanta ezagunak kantatuko ditu Etchegoyenek: 'Txoria txori/Hegoak', 'Xalbadorren heriotza', 'Eperra' eta 'Airetun txikitun', besteak beste.

22:00etan ostera, Oreka Tx 'Tosta' emanaldia ikusteko aukera izango dugu. Emanaldi honek, gauza txikien eta aniztasunaren garrantzia islatzen du. Herri eta kultura minimizatuetatik datozen hamar artistak hartzen dute parte bertan, euren kulturetako abesti desberdinak antzeztuz. Emanaldian parte hartzen duten musikari eta abeslarien artean, hainbat herritako kideak daude; Eskoziatik etorritakoak, galestar bat, irlandar bat, frisiar bat, kornuallestar bat eta galiziar bat, besteak beste.

'Oholtzan' saioa, larunbatero ematen da 21:00etatik aurrera.