'El Conquistador' saioak lider jarraitzen du bere ordu tartean

ETB2k astelehen gauero eskaintzen duen 'El Conquistador del Pacífico' abentura-realityak audientzia-buru izaten jarraitzen du bere ordu tartean. Aste honetako atalak % 17,6ko ikusle-kuota eta 264.000 ikus-entzuleko audientzia-metatua eskuratu zituen Euskadin eta eragin eremuan.

Panamako Las Perlas uharteak agertoki dituen saioaren 4. atalean, Sorayak utzi behar izan zuen lehia, Lekueren aurkako duelua galdu ostean. Halaber, talde bakoitzera kapitain berri bat sartuta, giroa berotzen hasi da. Ikus-entzuleek adi jarraitu beharko dituzte hemendik aurrerakoak ere.