telebista
22:15ean
Mark Wahlberg protagonista duen 'El Tirador' filma, gaur gauean, ETB2n
Antoine Fuquak zuzendu zuen film luze hau 2007an, eta AEBetako armadako konplot batean oinarritutako thriller bat da.
-
Mark Wahlberg, 'Shooter: El Tirador' filmean
Gaur gauean, 'El Tirador' (The Shooter) filma emango du Euskal Telebistak bigarren katean. 2007an Antoine Fuquak zuzendu zuen lan honetan, Mark Wahlberg aktorea da protagonista nagusia.
AEBetako armadari buruzko thriller bat da film luze hau. Bob Lee Swagger tiratzaile ohiaren papera egiten du Wahlbergek. Gogoz kontra bada ere, lanera itzuliko da hala eskatzen diotenean, baina berehala ohartuko da iruzur egin diotela: eraso baten egile gisa salatuko dute eta bat-batean ihes egin beharko du. Hala ere, egia aurkitzen saiatuko da; benetako hiltzailea nor den ikertuko du, nahaspila honetan zergatik sartu duten jakiteko.
Zinemarik onena ostiraletan, 22:15ean, ETB2n aurkituko duzu.
