'Un golpe con estilo' komediaren estreinaldia, gaurko 'La Noche De...' saioan

Astearte honetan, 'LND' saioak Un golpe con estilo komediaren estreinaldia eskainiko du telebistan. Michael Caine, Morgan Freeman eta Alan Arkin dira filmeko protagonistak. Pentsioa kobratzeari utzi ostean, banku batean lapurreta egitea erabaki duten hiru gizonen papera egiten dute. Felix Linaresek filmazioaren eta aktoreen inguruko datu guztiak emango ditu. Horrez gain, zineman ikusi ditugun lapurretak bizitza errealean gertatu direnekin alderatuko ditu.

Bestelako edukien artean, Meghan Marklek Erresuma Batuko Errege Etxeko kide bihurtu aurretik izandako ibilbide artistikoa errepasatuko dute La radiografía de Meghan Markle atalean, eta Farrah Fawcett ere gogoratuko dute, bere heriotzaren hamargarren urteurraren harira, Los archivos de La Noche de... tartean.

Amaitzeko, Hollywoodeko aktore ezberdinen haurtzaroko irudiak erakutsiko ditu Adivina quién es atalak.

'La Noche de... Un golpe con estilo' saioa gaur izango da ikusgai 22:30ean ETB2n eta eitb.eus-en.