Olatz Salvador eta Nakor Markez, 'Donostiako Aste Nagusia 2019' saioan gonbidatu

Gaur gauean, Agustin Ezenarrok eta Izaro Iraetak Kontxako pasealekutik zuzenean eskainiko duten 'Donostiako Aste Nagusia 2019' saioaren azken atala izango da ikusgai. Su artifizialen nazioarteko lehiaketa bukatuta, Aste Nagusiaren azken egunean, ikuskizun piromusikala eskainiko du Valentziako Ricasa su-etxeak. Gainera, Olatz Salvador Donostiako abeslaria eta ETBko 'El Conquis'eko Nakor Markez izango dituzte gonbidatu.

Bestalde, Iñigo Agirre Konstituzio plazan egingo duten marmitako txapelketan egongo da, eta, gainera, Zurriolako zabalgunean egingo duten sanba ikastarora joango da gerria eta ipurdia mugitzera.

'Donostiako Aste Nagusia 2019' larunbat honetan izango da ikusgai, 22:15ean, ETB1en eta eitb.eus-en.