telebista
22:15ean
'Misión imposible 3' akziozko filma izango da ikusgai, gaur, 22:15ean, ETB2n
I. A. | EITB.EUS
Sagaren hirugarren pelikulan, Ethan Hunt agente bereziak jarduneko zerbitzua utziko du, baina lankide bat harrapatuko dute eta haren bila joango da.
-
Tom Cruise 'Misión Imposible 3' filmaren fotograma batean
Gaur gauean, ETB2k Misión imposible 3 (Mission: Impossible III) akziozko filma eskainiko du. J. J. Abramsek zuzenduriko pelikularen protagonistak dira, besteak beste, Tom Cruise, Philip Seymour Hoffman, Ving Rhames, Michelle Monaghan, Billy Crudup, Laurence Fishburne, Jonathan Rhys-Meyers, Maggie Q, Simon Pegg, Keri Russell eta Aaron Paul.
Sagaren hirugarren pelikulan, Ethan Hunt (Tom Cruise) agente bereziak Impossible Missions Force agentziaren jarduneko zerbitzua utzia du bertako irakasle izateko. Bizitza normala izateko asmoa du, eta Juliari (Michelle Monaghan) ezkon-hitza eman dio. Baina, Lindsey Farris (Keri Russell) lankidea harrapatuko dute eta Ethan berriz itzuliko da zerbitzura bere taldekideekin batera. Owen Davian (Philip Seymour Hoffman) izango da bere arerioa, trafikatzaile gupidagabe bat.
Ez ezazu galdu Misión imposible 3 akziozko filma, gaur, 22:15ean, ETB2n.
