'El Conquis'en estreinaldia, ordutegi nagusian audientzia-buru % 24,7ko kuotarekin

'El Conquistador del Caribe' saioa asteleheneko ordutegi nagusian audientzia-buru izan zen % 24,7ko kuotarekin, 2012tik saioak izan duen hasierarik onena. Halaber, 306.000 ikus-entzuleko audientzia metatua lortu zuen Euskadin eta eragin eremuan.

Patxi Alonsok aurkezten duen saioak aurtengo 36 parte-hartzaileen izenak eman zituen ezagutzera, eta talde berde eta gorriko kapitainak aurkeztu zituen: Patri Espinar eta Gotzon Burgos, hurrenez hurren. Horrez gain, lehiaketaren hasiera ikusgarriaren aurrerapena eskaini zuen, eta Julian Iantzik, Karibetik zuzenean, abenturaren kokapen berria ezagutzera eman zuen: Dominikar Errepublikako Los Haitises Parke Natural ikusgarria.

'El Conquistador del Caribe' abenturaren lehen atala datorren astelehenean izango da ikusgai ETB2n eta eitb.eus-en, 22:30ean, eta datorren astean hasiko da 'El Conquis' solasaldia ere, asteazken gauero abenturaren analisia eta protagonisten elkarrizketak eskainiko dituen saioa.

'El Conquistador' sare sozialetan eta eitb.eus-en

'El Conquistador del Caribe'ko estreinaldiak harrera ezin hobea izan zuen sare sozialetan eta eitb.eus-en.

Saioaren hasierarekin batera, #conquisestreno etiketa Twitterren joera izan zen. Nabarmentzekoa da, gainera, 'El Conquistador' saioak sare sozialetan biltzen duen familia handia: ia 40.000 jarraitzaile ditu Facebook sarean, 27.000 baino gehiago Twitterren, eta 16.600, berriz, Instagram-en.

Halaber, 24.000 erabiltzailek baino gehiagok ikusi zituzten 'El Conquistador del Caribe' saioko edukiak eitb.eus-en estreinaldiaren egunean (iaz baino % 16 gehiago).