telebista
Gaur, 22:00etan
Lehendakariari elkarrizketa, koronabirusaren krisiari buruz, ETB2n eta eitb.eus-en
EiTB
Iñigo Urkulluk Xabier Garcia Ramsdenen galderei erantzungo die gaur gauean, alarma-egoerako lehen astea igaro ondoren.
-
Iñigo Urkullu lehendakariari elkarrizketa. Irudia: EFE
Xabier Garcia Ramsden ETBko kazetariak Iñigo Urkullu lehendakaria elkarrizketatuko du gaur, koronabirusaren krisiaren inguruan. Elkarrizketa zuzenean izango da, ETB2n eta eitb.eus-en, 22:00etan.
Lehen astea alarma-egoeran igaro ostean, eta Pedro Sanchezekin erkidegoetako presidenteen konferentzian parte hartu eta ordu batzuetara, Iñigo Urkulluk ETBko galderei erantzungo die.
Elkarrizketaren gai nagusiak honako hauek izango dira: euskal ospitaleen egoera, gaixoena zein osasun-langileena, krisi honek dakartzan ondorio ekonomikoak, itxialdi neurriak betetzea, eta EAEko eta Espainiako gobernuen arteko harremanak.
