telebista
Fikzioa euskaraz
"Bikia" telesail norvegiarraren estreinaldia, gaur ETB1en
EITBMEDIA
Kristofer Hivju (Tormund, "Game of Thrones") aktorea da hilketa dramaren protagonista nagusia eta berdin-berdinak diren bikien rola jokatzen du.
Bideoak (1)
"Bikia" (Twin, 2019) telesail norvegiarra estreinatuko du gaur ETB1ek. Euskarazko fikzioaren aldekoa apustu sendoarekin jarraitzen du EITB, eta gaueko ordutegi nagusian, 22:30ean, izango da ikusgai lau astetan zehar. Kristofer Hivyu Norvegiako aktore ezaguna da protagonista, eta bizimodu oso ezberdina duten bikien istorio kontatzen du telesailak. Bien arteko liskarraren ondoren, bikietako batek anaiaren identitatea ordezkatu beharko du.
Erik eta Adam biki berdin-berdinak, erabat muturrekoak diren bizimoduak dituzte. Erik, askatasuna maite duen surflaria da; autokarabana batean bizi da hondartzan baztertu batean. Adam, berriz, familia gizona da, eta negozioetan arrakasta handia du. Ingrid emaztea maitagarriarekin bizi da, eta bi haur dituzte.
Zorigaiztoko egun batean, Eriken bizimodu axolagabea lehertu egingo da, eta duen guztia galduko du, istripu baten ondorioz. Erikek bizitza salbatuko du, eta Adam anaiarengana joko du, laguntza eske. 15 urte egin dute elkarrekin harremanik izan gabe, eta Adamek laguntza ukatuko dio irmo.
Elkar joka hasiko dira eta borrokaren ondorioz, nahi gabe, Erikek eta Ingridek Adam hilko dute. Istripua izan den arren, badakite errudun hartuko dituztela; Erikek orduan, kartzela ekiditeko, Adam bikiaren identitatea ordezkatuko du.
Kristofer Hivju Erik eta Adam bikien rola jokatzen du telesailean. HBOren fantasiazko "Game of Thrones" telesaila arrakastatsuan aski ezaguna egin zen Tormund Giantsbane pertsonaia gorputzean. Ingriden papela Rebekka Nystabakk egiten du. Antzerkian trebatutako aktorea da, eta hauxe da telesaila batean egiten duen lehenbiziko agerraldia. Erika Calmeyerrek eta Kristoffer Metcalfek zuzendu dituzte atalak; eta Sigurd Mikal Karoliussen da ekoizle nagusia.
"Bikia" telesailaren posterra
