telebista
7. atalaren aurrerapena
Kapitainak, protagonista nagusiak gaur gauean, taldeak "giltzapetuta" izango dituen jokoan
Zazpigarren ataleko immunitate jokoak aurreko edizioan jokatutako bi proba uztartuko ditu: batetik, David Secoren Cacata taldeak irabazi zuen kaiolen jokoa, eta, bestetik, Manu Maritxalar etxera bidal zuen banbuen jokoa.
-
Kaiolen jokoa, "El Conquistador del Caribe". Argazkia: EITB Media
Atabey, Yocahu eta Corocote taldeek aurre egin beharko diote, berriro, immunitate jokoari, eta kapitainek berebiziko garrantzia izango dute oraingoan. Gaur gaueko jokoak iaz jokatutako beste bi uztartzen ditu. Batetik, kaiolen joko ezaguna dugu. Gogoratu, David Secok gidatzen zuen Cacata taldeak gaizki hasi zuela proba, baina irabazi egin zuen azkenean, aldea iraulita. Bestetik, Manu Maritxalar min hartuta etxera bidali zuen banbuen jokoa izango dute aurrez aurre hiru taldeek.
Immunitate jokoa kaioletan giltzapetuta hasiko dute lehiakideek. Soka bat erabilita, kako bat hartu beharko dute askatu ahal izateko; izan ere, kakoak kaioletatik metro batzuetara dauden palak hartzeko erabiliko dituzte, eta horiekin lurra zulatuko dute kanpora atera ahal izateko. Lehenbiziko parte hau amaituta, kapitainen txanda iritsiko da. Lehiakideek, banbuz baliatuta, altura jakin batean eraman beharko dituzte Nahia, Bego eta Andrea. Ibilbide osoan zehar, kapitainek ezingo dute lurra ukitu.
Corocote taldeak nahitaez irabazi behar du immunitate joko hau. Hiru kide galdu ditu, eta abentura hasi zenetik ez dute ezer jan. Hala ere, gogotsu eta umore oneko daude. Hori bai, hobe dute tronpeta-soinuarekin dantza egin beharrean jokoan ondo saiatzea, kanpamentu aberatsera joan ahal izateko bederen.
Talde berdeak hondoratutako ontzia utzi behar du, itzuliko den esperantzarekin. Kiderik galdu ez duen talde bakarra da. Andrearen taldeak ostera, ez du zorte hori izan. Aurreko atalean, Pedro kanporatu zuten. Gorriek indarrak batu beharko dituzte aste honetan beste kide bat galdu nahi ez badute.
Zein taldek lortuko du ikurrina? Dueluan zein kolore ikusiko ditugu? Galdera horiei guztiei gaurko atalean emango zaie erantzuna.
Ez galdu "El Conquistador del Caribe", astelehenetan, 22:30ean, ETB2n, eitb.eus-en eta aplikazioan. Gainera, gogoratu saioaren atalak EiTB Nahieran atarian, "El Conquis"en aplikazioan bertan, EITB Nahieran aplikazioan eta EITB Mediako gainerako euskarri digitaletan ikus daitezkeela gerora.
