telebista
Edukiak laburrean
EITBren eduki nabarmenenak gaurko
EITB Media
"Go!azen 9.0" telesaileko laugaren atala, Binakako pilota Txapelketa eta "Boxeo Izarrak" saioaren emanaldi berria izango dira gaur ikusgai.
-
"Go!Azen 9.0" telesaileko aktoreak.
"Go!azen 9.0".- 21:00etan ETB1en eta eitb.eus-en
"Go!azen 9.0" telesailaren laugarren atalean, Oier zuzendariari Basakabiko gazteak egiten duten guztia kontatzen dion satorraren bila arituko dira. Garazik hainbat susmagarri izan ditu; besteak beste, Saioa eta Gontzal. Baina Unax eta Oierren arteko elkarrizketa bat entzun ondoren, hura salatuko du gainontzeko gazteen aurrean.
"ETB Kantxa".- 22:15ean ETB1en eta eitb.eus-en
Nafarroako Irurtzundik zuzenean, Binakako Txapelketako partida eskainiko du saioak Urrutikoetxea-Albisu eta Elordi-Zabaleta bikoteen artean. Ondoren, Salaberria-O. Etxeberria vs Larrazabal-Eskiroz norgehiagoka izango da ikusgai. Xabier Euzkitzek, Abel Barriolak eta Ane Muruamendiarazek izango dute kontakizunaren ardura.
"Boxeo Izarrak".- 00:30ean ETB1en eta eitb.eus-en
Aurreko larunbatean, New Yorken Teofimo Lopezek eta Sandor Martinek egindako borrokaldia izango da saioaren ardatz nagusia. Pisu superarineko munduko txapelketa jokatzeko kanporaketa izan zen. Teofimo munduko txapeldun izan zen, baina George Kambososek kendu zizkion izan zituen hiru gerrikoak. Sandor Martin kataluniarrak aukera paregabea izan zuen. Norgehiagoka honetan epaileek emandako puntuazioek hautsak harrotu dituzte.
