Biba Zuek
18:00etan
Xabi Zabala musikari eta konpositorea hartuko du gaur "Biba Zuek!" saioak
EiTB
Saioaren lehen zatian iktusa izango da Maddalen Arzallus eta Xabier Sukiak aurkeztutako saioaren gai nagusia.
-
Xabi Zabala. EITBren bideo batetik hartutako irudia
Iktusei buruz hizketan hasiko da asteleheneko "Biba Zuek!" saioa. Platora gerturatuko diren gonbidatuek gaixotasun larri hori pairatu dute eta bere ondorioez hitz egingo dute. Neurologo batek ere parte hartuko du solasaldian, eta iktusen eta COVID-19aren arteko harremana izango dute hizpide.
Saioaren bigarren erdiko gonbidatua Xabi Zabala musikari eta konpositorea izango da. Lan berria aurkeztuko du, Musika Plazan diskoa. Berarekin batera, Ana Goitia eta Mikel Elizegi kolaboratzaileak izango ditugu platoan.
Marta Elvirak, bere aldetik, euskaldun berri bat aurkeztuko digu Euskaraldia atalean eta saioaren azken minutuetan Aritz Ganboa artzainarekin egingo dute bat.
"Biba Zuek!" saioa astelehenetik ostiralera izaten da ikusgai, arratsaldeko 18:00etatik aurrera, zuzenean, ETB1en eta eitb.eus-en.
