Biba Zuek
18:00etan
Patxo Telleria eta Mikel Martinez aktoreak, gaur arratsaldean, "Biba Zuek!" saioan
EITB
Aurretik, ametsen inguruan arituko dira, eta bertaratuko diren gonbidatuek beste pertsona batzuei euren ametsak betetzen lagunduko diete.
-
Patxo Telleria eta Mikel Martinez. EITBren bideo batetik ateratako irudia.
Gaur, "Amets baten aldeko erronka" izenburupean, platora hurbilduko diren gonbidatuek pertsona bati amets bat betetzen lagunduko diote. Horretarako, erronka bat jarri diote bere buruari. Solasaldian zehar, Asier Maia izango dute bidelagun.
Ondoren, Ipar Irlandara egingo dute bidaia Jon Artanoren eskutik. Begoña Mateo lasartearra bizi da bertan, eta berarekin egingo dute bat Skype bidez.
Bigarren orduan, bi gonbidatu izango ditu saioak protagonista: Patxo Telleria eta Mikel Martinez aktoreak. Azken antzezlana aurkeztuko dute, Ez Dok Ero izenekoa. Horiekin batera, Ana Goitia eta Mikel Elizegi ere izango dira platoan.
Bukatzeko, egunero bezala, Aritz Ganboa artzainarekin egingo dute bat.
Maddalen Arzallusek eta Xabier Sukiak aurkeztutako "Biba Zuek!" telebista saioa astelehenetik ostiralera izaten da ikusgai, 18:00etatik aurrera, zuzenean, ETB1en eta eitb.eus-en.
