Antton Valverde artista, gaur arratsaldean, "Biba Zuek!"en

Sorpresa itzelak jaso dituzten gonbidatuak izango dira "Biba Zuek!" saioaren gaurko lehen orduko protagonistak. Ustekabeko ezkontzeko eskakizun bat, ametsetako oparia eta senitarteko baten ezusteko bisita jaso duten hiru elkarrizketaturen kontakizun polita entzuteko aukera izango da. Asier Maia izango dute bidelagun.

Ondoren, Antton Valverde artista handia izango da platoan, eta Gaua. Ausentziaren itzala lanaz hitz egitera etorriko da. Diskoa Harkaitz Cano idazlearen olerkiekin osatu du. Elkarrizketaren amaieran, abeslari donostiarra kantuan entzuteko aukera paregabea izango da.

Ostiralekoan ere, Xabier Sukiak eta Marta Elvirak gidatuko dute saioa, eta biekin elkarlanean arituko dira Vidal Salcedo medikua, Ainhoa Vitoria irrati esataria, bere irizpide musikal onekin, Mikel Elizegi, beti bezain umoretsu, eta Aritz Ganboa, artzaintzaren gaineko azalpen interesgarriekin.

"Biba Zuek!" astelehenetik ostiralera izaten da ikusgai, 18:00etatik aurrera, zuzenean, ETB1en eta eitb.eus-en.