Biba Zuek
18:00etan
Iker Lauroba musikaria, gaur arratsaldean, "Biba Zuek!" saioan
EITB Media
Aurretik, zorioneko bihurtzen gaituzten detaileez arituko dira gonbidatuak.
-
Iker Lauroba. EITBren bideo batetik ateratako irudia
Zorionekoa izateaz arituko da gaur "Biba Zuek!" saioa, diruaz aparte badirelako beste hainbat gauza zorionekoak bihurtzen gaituztenak. Beraz, gai honi helduko dio saioak lehen orduan.
Bigarren orduan aldiz, Iker Lauroba musikaria elkarrizketatuko dute Maddalen Arzallusek eta Xabier Sukiak. Abeslari donostiarra kaleratu berri duen Udaberria albumaz hitz egingo du eta bere ibilbidea errepasatzeko ere aprobetxatuko dute bisita.
Horrez gain, platoan izango dira kolaboratzaile lanetan, Ainhoa Vitoria, Jon Garate, Mikel Markez eta Aritz Ganboa.
"Biba Zuek!" astelehenetik ostiralera izaten da ikusgai, 18:00etan, ETB1en eta eitb.eus-en.
