Biba Zuek
Audientziak
"Biba Zuek!" saioak denboraldiko audientzia markak hautsi ditu
EITB Media
Denboraldiko atalik ikusiena izateaz gainera, audientzia-zatirik altuena ere bereganatu zuen saioak ostegunean.
-
Xabier Sukia eta Maddalen Arzallus. Argazkia: EITB Media
Osteguneko "Biba Zuek!" saioa denboraldiko ikusiena izan da. Horrez gain, orain arte lortu duen audientzia-zatirik altuena bereganatu du; izan ere, Xabier Sukiak eta Maddalen Arzallusek gidatutako saioak % 4,7ko audientzia-zatia lortu zuen, eta euskaldunen artean, % 13,6ko kuota.
Egun-eguneko gaiak lantzearekin batera, osteguneko atalean Tolosako eta Aguraingo 'ez inauteriak' izan zituzten hizpide. Halaber, emanaldiak 40.000 ikus-entzuleko audientzia metatua lortu zuen Euskadin eta eragin eremuan.
"Biba Zuek!" saioa astelehenetik ostiralera izaten da ikusgai, 18:00etatik aurrera, ETB1en eta eitb.eus-en.
