Biba Zuek
18:00etan
Martxelo Rubio aktorea izango da gaurko gonbidatua "Biba Zuek!" saioan
EITB Media
Lehen orduan Ezkaba mendian kokatutako San Kristobal gotorlekuko ihesa ekarriko dute gogora Maddalen Arzallusek eta Xabier Sukiak.
-
Martxelo Rubio aktorea. Irudia: EITB Media
San Kristobal gotorlekuko ihesari buruz arituko dira gaur "Biba Zuek!" saioan. 1938ko maiatzaren 22an Ezkaba mendiaren gainean zegoen espetxetik 795 presok egindako ihesaldia izan zen, mundu osoko inoizko ihesaldi handienetakoa.
Bigarren orduan, Martxelo Rubio aktorea hartuko dute platoan Maddalen Arzallusek eta Xabier Sukiak. Askok "Goenkale"n egindako Kandidoren paperagatik gogoratuko dute. Bere ibilbidea errepasatuko dute eta gaur egun zertan diharduen jakingo dugu.
"Biba Zuek!" arratsaldero dugu ikusgai, astelehenetik ostiralera, 18:00etan, ETB1en eta eitb.eus-en.
