Biba Zuek
18:00etan
Ezusteko aurkikuntzak hizpide, gaur arratsaldean, "Biba Zuek!" saioan
EITB Media
Bestalde, Getariako Elkano jatetxeko Aitor Arregi sukaldaria Maddalen Arzallusekin eta Xabier Sukiarekin izango da saioko bigarren atalean.
-
Aratz mendian agertu den Nestor Basterretxearen eskultura
Gaur arratsaldean, "Biba Zuek!" saioan ezusteko aurkikuntzei buruz arituko dira lehendabiziko orduan. Alde batetik, Berazadi familiak Valentin Larrea aitonaren piano partiturak topatu eta CD batean bildu ditu. Basterretxea familia, aldiz, Aratz mendian aurkitu berri duten Nestor Basterretxea artistaren eskulturaz jardungo da.
Aitor Arregi sukaldaria, Getariako Elkano jatetxeko chefa, izango da bigarren orduko protagonista. Gipuzkoako jatetxe hau itsasoko jakietan espezializatuta dago. Michelin izar bat eskuratu zuen duela urte batzuk eta Euskadin hiru Eguzki dituzten jatetxeen zerrendara gehitu berri da.
"Biba Zuek!" saioa astelehenetik ostiralera dugu ikusgai, 18:00-20:00 bitartean, ETB1en eta eitb.eus-en.
