Biba Zuek
18:00etan
Alberto Iñurrategi hartuko dute, gaur arratsaldean, "Biba Zuek!" saioan
EITB Media
Uda honetan ETB1en estreinatuko den "Natura Bizia" dokumental sailaren aurkezlea da Alberto Iñurrategi. Lexeia Larrañaga zuzendariarekin izango da platoan.
-
Alberto Iñurrategi, "Natura Bizia" dokumental sailaren grabazioan. Argazkia: EITB Media
Gaurko "Biba Zuek!" saioan, ETB1en uda honetan estreinatuko den "Natura Bizia" dokumental sailaren gainean hitz egingo dute lehen orduan. Horretarako, Lexeia Larrañaga lanaren zuzendaria eta Alberto Iñurrategi saioko aurkezlea gonbidatuko dituzte platora.
Bigarren orduan, berriz, Joseba Beloki txirrindulari ohia izango dute. Miguel Indurainen atzetik, Frantziako Tourrean podium gehien dituen euskal txirrindularia da bera. Bere ibilbide profesionalaz eta aurtengo Tourraz arituko dira berarekin Maddalen Arzallus eta Xabier Sukia.
"Biba Zuek!" astelehenetik ostiralera dugu ikusgai, 18:00etatik aurrera, ETB1en eta eitb.eus-en.
