Biba Zuek
18:00etan
Unai Agirre bertsolaria, gaur arratsaldean, "Biba Zuek!" saioan
EITB Media
Saioaren lehen orduan, kontziliazioa izango dute gai nagusia.
-
Unai Agirre bertsolaria
Unai Agirre bertsolariak hitzez jantziko du Maddalen Arzallusek eta Xabier Sukiak "Biba Zuek!" saioan gaur egingo dioten elkarrizketa. Bertsolaria izateaz gain, Euskal Sagardoa Federazioko zuzendaria ere bada, eta aitzakia horrekin, sagardotegien denboraldiari buruz hitz egingo du; izan ere, azken urte hauetan ez dute batere egoera samurra pasa sagardotegietako arduradunek.
Lehen orduan, kontziliazioa izango da gai nagusia. Horretarako, Beasainen martxan jarri duten Herrilab proiektuari buruz hitz egingo dute; kontziliazioa eta berdintasuna bilatzen duen herri proiektua. Kolaboratzaileei dagokienez, Vidal Salcedo, Antton Telleria, Jon Garate eta Aritz Ganboa izango dituzte.
"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.
